Gossip Lanka News - Gossip Lanka News | Ex Gossip | Latest news from Sri Lanka

Friday, December 1, 2017

මම දක්ෂයෙක් කලෙත් හතුරුසිංහ – හතුරු ලංකාවේ ක්‍රිකට් හදාවී” හතුරු එනකොට සමරවීර සතුටින් .!

ශ්‍රී ලංකා කණ්‌ඩායමේ ක්‍රීඩකයන්ට තමන්ගේ හැකියාව හා ශක්‌තිය පිළිබදව විශ්වාසයක්‌ නොමැතිව ක්‍රීඩා කිරීම විශාල ප්‍රශ්නයක් වී තිබෙන බව ශ්‍රී ලංකා පිතිකරණ පුහුණුකරු තිලාන් සමරවීර පවසනවා. ක්‍රිකට් වෙබ් අඩවියක්‌ සමග පැවැති මාධ්‍ය හමුවකදී සමරවීර මෙම අදහස් දක්වා සිටියා. එහිදි වත්මන් ශ්‍රී ලංකා කණ්ඩායම පිළිබදව සහ කණ්ඩායමට එක්වීමට නියමිත නව පුහුණුකරු චන්දික හතුරුසිංහ පිළිබදවද තිලාන් සමරවීර අදහස් දක්වා තිබුණා.

'ඉතා දුෂ්කර අවස්‌ථාවලදී විනාඩි 30-40 ක්‌ කඩුල්ලේ රැඳී සිටීමට උත්සාහ කළ යුතුයි. ඊට පස්‌සෙ ලකුණු ලබා ගන්න පහසුයි. හොඳම උදාහරණය දිනේෂ් චන්දිමාල්. නාග්පූර් තරගයේදී ඔහු ලකුණු 60 ක්‌ ගත්තා නව වැනි කඩුල්ල එක්‌ක සුරංග ලක්‌මාල්වත් තියාගෙන. මෙතන වෙලා තියෙන්නෙ තමන්ගේ හැකියාව ගැන විශ්වාසයක්‌ නොමැති වීමයි. ඒක තමයි ලොකුම ප්‍රශ්නය' යැයි මෙහිදි තිලාන් සමරවීර පවසා තිබුනා.

ප්‍රතිවාදීන් මෙන්ම අපගේම ක්‍රීඩකයන්ගේද හැකියා සහ දුර්වලතා විශ්ලේෂණය කිරීම වැදගත් බවත් ඉදිරි වසර දෙකේදී ඉදිරියට යැමට දීර්ඝ කාලීන් සැලසුම් සහ විසඳුම් සොයා ගත යුතු බවත් තිලාන් සමරවීරගේ මතයයි.

වැඩිදුරටත් අදහස් දක්වන ශ්‍රී ලංකා පිතිකරණ පුහුණුකරුවා පවසන්නේ

'2005 දී මට මොකද වුණේ. එදා මට නරක පැල්ලමක්‌ හරහට හිටියා. එහිදී මම චන්දික හතුරුසිංහව හමුවුණා. ඔහු මගේ පිතිකරණයේ වෙනස්‌වීම් කිහිපයක්‌ම සිදුකළා. ඊට පස්‌සෙ මගේ මානසිකත්වය දියුණු වෙලා හොඳ පිතිකරුවෙක්‌ වුණා. ඒ නිසා ඉදිරියට යන්න සැලසුම් සකස්‌ කළ යුතුයි,

හතුරුසිංහ අංශ තුනටම හොඳ පුහුණුකරුවෙක්‌. ඔහු පිතිකරුවන්ගේ මානසිකත්වය සහ තාක්‍ෂණය අපූරුවට සකස්‌ කරනවා. ඔහු පිතිකරුවන්ට නිදහසේ ක්‍රීඩා කිරීමට අවස්‌ථාව දෙනවා. 2009 සිට ඔහුගේ පුහුණු ක්‍රමවේදයේ සාර්ථකත්වය ඒකයි. ඒක තමයි ලොකුම ශක්‌තිය.

'ඉදිරි මාස පහ ඇතුළත ලොකු දෙයක්‌ කරන්න බලාපොරොත්තු වෙනවා. එවිට ඔවුන්ගේ මානසිකත්වය නිරාකරණය වේවි. තවත් විවිධ දේ කරන්න බලාපොරොත්තු වෙනවා.' ලෙසය.

No comments:

Post a Comment