Gossip Lanka News - Gossip Lanka News | Ex Gossip | Latest news from Sri Lanka

Thursday, July 6, 2017

වැඩ කරන කාන්තාවකට කුස්සියේ වැඩ පහසු කරන ටිප්ස් 08

උදේට ගෙදර යුද්ධයක් වගේද? උයලා දරුවන්ව ලෑස්ති කරලා ඔබත් රාජකාරියට යනවද? එහෙනම් කුස්සියේ වැඩ පහසු කරගන්න මේ ලිපිය වැදගත් වේවි.

1) සතියටම ගැළපෙන සැලසුමක් හදන්න

ඔබ ඊළඟ සතියට හදන්න ඉන්න කෑම මොනවද කියල ලැයිස්තුවක් හදන්න. ඒකට ඕන කරන බඩු ටිකත් අවශ්‍ය ප්‍රමාණයන් එක්කම වෙනම ලැයිස්තුවක් හදන්න. සති අන්තයේ ඉඩ තියන වෙලාවක මේ අවශ්‍ය බඩු ටික ගෙන්න. මතක තියා ගන්න අනවශ්‍ය දේවල් ගන්න එපා. ඔබ ලියාගත් දේවල් විතරක්ම ගන්න. ඔබ එක දවසක පිටතින් කෑම ගන්නවා නම් එදා කෑම ලැයිස්තුවෙන් ඉවත් කරන්න. මේකෙන් ඔබේ මුදල් ඉතිරි වන අතරම ආහාර නාස්තියත් අඩු වේ. ඒ වගේම සතියට අවශ්‍ය බඩු එකවර ගේන නිසා ඔබේ කාලයත් ඉතිරි වේවි.

02) මාසයට අවශ්‍ය බඩු එකවර ගෙන්න

එදිනෙදා නිතරම අවශ්‍යවන කල්තබා ගත හැකි ද්‍රව්‍ය මාසයකට අවශ්‍ය ප්‍රමාණයට එකවර මිලදී ගන්න. හාල්, පරිප්පු ආදිය මෙන්ම කුළු බඩු හා අනෙකුත් ඔබට අවශ්‍ය ද්‍රව්‍ය එකවර මිලදී ගන්න. මෙයින් ඇතැම් විට ඔබට වට්ටම් ආදියත් ලබා ගැනීමේ හැකියාව ඇති අතර ඔබගේ මුදල් හා කාලය ද ඉතිරි කර දෙයි.

03) මස් මාළු එකවර කපා පිරිසිදු කර තබන්න

සතියටම අවශ්‍ය ප්‍රමාණයට ඔබ මිළදී ගන්නා මස් මාළු ආදිය දවසගානේ කපන්න සුද්ද කරන්න ගියොත් ඔබේ කාලය නිකරුනේ නාස්ති වේවි. ඒ නිසා සතියටම අවශ්‍ය මාංශ ආහාර එකවර සුද්දකර එක් දිනයකට අවශ්‍ය ප්‍රමාණය වෙන වෙනම අසුරා තබන්න. ඒ වගේම මතක තියාගන්න මාංශ ආහාර කපන විට ඒ සඳහා වෙනම කපන ලෑල්ලක් හා අනෙකුත් උපකරණ භාවිතා කරන්න. ඒ වගේම ඒ උපකරණ හා ස්ථානය හොඳින් පිරිසිදු කරන්න. එයින් විෂබීජ පැතිරීම වළක්වා ගත හැකියි. ඒ වගේම හාල්මැස්සන් ආදිය ඔළු කඩලා පිරිසිදු කර තියන්න. මෙම ක්‍රමය මගින් ඔබේ කාලය ඉතිරි කරගත හැකි අතරම සෞඛ්‍යය ද ආරක්ෂා කර ගත හැකිය.

ආහාර ගබඩා කරනවාට අමතරව ශීතකරණයෙන් ගත හැකි ප්‍රයෝජන 5ක්

04) රෑට සියල්ල සුදානම් කර තියන්න

උදේට කුස්සියට ගියාම යුද්දයක් වගේද? එහෙනම් කලින් දවසේ රෑ අවශ්‍ය දේවල් සූදානම් කරලා තියන්න. පොල් ගාලා ෆ්‍රිජ් එකෙන් තියන්න එහෙම නැත්නම් මිරිකලා පොල් කිරි ටික ෆ්‍රිජ් එකේ දාලා තියන්න. උදේට උයන එළවලු ටික සුද්ද කරලා කපලා ෆ්‍රිජ් එකේ දාලා තියන්න. පළා වර්ග ආදිය කලින් සුද්ද කරලා තියන්න. මේවට නම් ඔබේ සැමියාගේ හෝ දරුවන්ගේ සහයෝගයත් අනිවාර්යයෙන්ම ගන්න. මෙයින් ඔබට උදේට තියන වැඩවලින් භාගයක්ම අඩු කර ගන්න පුළුවන් වේවි.

05) කරපිංචා ඉක්මනින්ම වේළෙනවා ද?

කරපිංචා කොළ ඉක්මනින් වේළෙනවද? ෆ්‍රිජ් එකේ තිබ්බත් නැවුම් ගතිය තියෙන්නේ නැද්ද? එහෙනම් අනික් දවසේ කරපිංචා ෆ්‍රිජ් එකේ දන්නා එපා. කරපිංචා කොළ ටික භාජනයකට දාලා උළුහාල් ඇට ටිකක් ඒකටම දාලා තියන්න. මෙහෙම කළොත් කරපිංචා නැවුම්ව තියා ගන්න පුළුවන්. එතකොට සැරින් සැරේ කරපිංචා මිළදී ගන්න ඕන වෙන එකක් නෑ.

06) තාමත් හැමදේම කපන්නේ පිහියෙන්ද?

ඔබ හැම එළවළුවක්ම පළතුරක්ම කපන්න ගන්නේ පිහියද? ඒක කාලය නස්තිකිරීමක්. ඒ නිසා එළවලු කපන්න, පොඩි කර ගන්න, හීනියට ලියාගන්න මේ හැමදේම කරගන්න පුළුවන් උපකරණයක් තියාගන්න එක ඔබේ වැඩ ඉතා පහසු කරයි. මේ දේවල්වලට වෙන වෙනම උපකරණ ගන්නත් එපා. සේරම කරගන්න පුළුවන් එක උපකරණයක් ගන්න. එය ඔබේ කාලයත් ඉතුරු කරයි මුදලුත් ඉතිරි කරයි.

07) රොටී හදන්න වෙලා යනවද?

දරුවන්ට වෙනසකටත් එක්ක රොටී හදන්න ඕන කියලා හිතුනත් උදේට වෙලා මදිද? මේකටත් විසඳුම අවශ්‍ය දේ කලින් සූදනම් කිරීමයි. ඔබ දන්නවද රොටී සෑදීමට අවශ්‍ය පිටි මිශ්‍රණය දවස් දෙකක් තුනක් පමණ කල් තබා ගත හැකියි. ඒ නිසා ඔබට නිදහස් වෙලාවක පිටි මිශ්‍රණය සාදා ෆ්‍රිජ් එකෙන් තියන්න. අවශ්‍ය වෙලාවට අරගෙන රොටී සාදා ගන්න. මෙයින් රොටී හදන එක ඉතාමත් පහසු කාලය ඉතුරු කරන වැඩක් වේවි.

08) ක්ෂණික ආහාර

දරුවෝ හැමදාම එකම දේ කන්නේ නෑනේ. ඉඳල හිටලා වෙනසක් ඔනෙමයි. ඉතින් ඒ වෙලාවට නූඩ්ල්ස්, මැකරෝනි වගේ ක්ෂණික කෑමක් හදන්න. සතියට දවසක් විතර මෙවැනි දෙයක් හදන්න. එයින් ඔබටත් පහසුවක් මෙන්ම පවුලේ අයටත් වෙනසක් දැනේවි.

No comments:

Post a Comment